गल्ती गर्नु गल्ती होइन ! दोहोर्याउनु गल्ती हो

छोडी जानेलाई पटक् पटक् मन् पराउनु गल्ती हो

नदेख फेरि तेही सपना, नहिँड फेरि तेही बाटो

त्यो पुरा नहुने सपना भित्र, हराउनु गल्ती हो

थाहा छ तिमीलाई, त्यो शुरुवात उसकै थियो

उसले भूल गर्नु, तिमी डराउनु गल्ती हो

जिन्दगी भरी तिमीलाई, रुवाएर त्यो मान्छे

शीर झुकाएर' फेरि तिम्रै, घर्—आउनु गल्ती हो ।

गल्ती गर्नु गल्ती होइन ! दोहोर्याउनु गल्ती हो

छोडी जानेलाई पटक् पटक् मन् पराउनु गल्ती हो

- निष्प्रभ सजी

अमृतमा विष फलाउँछन र पो

आफ्नैले दिल जलाउँछन र पो

साथी! म लुलो कहिले थिएँ र !

उभिन खोज्दा ढलाउँछन र पो

दुख्यो  कि भनी रोएझैं  गर्छन

तिनैले  घाऊ  चलाउँछन  र पो  

जो जस्ले पत्थर बनाइ  गएथे

उनैले  फेरी  गलाउँछन   र पो

भुलिन्थ्यो होला शिषिर बसन्त

पालुवा  नयाँ  पलाउँछन   र पो

प्रमेश

तिमी छौ म छु र त यो जगत छ प्रिया,,,

नशा नशामा   तिम्रै रगत   छ  प्रिया।।

जे हुनु भएरै छोड्छ आल्टाल को गर्न सक्छ,,

भो नसोच ज्यादा यो संसार फगत छ प्रिया।।

समयले    धेरै कुरा   सिकाउदै छ  मलाई,,

को आफ्नो को पराई अवगत  छ   प्रिया।।

खहरेको भेल होइन मेरो माया तिम्रा लागी,,

सधैं एकनाश वाग्मती झै अनवरत छ प्रिया।।

संसार जितिन्छ दुई मन  एक   ढिक्का भए,,

कस्लाई  थाहा मायामा कती तागत छ प्रिया।।

नाफा  नोक्सान   त  पछी  बेहोर्दै   जाउँला,,

यहाँ पुरै दुई   जवानीको लागत   छ प्रिया।।

        तिलक भट्टराई ""अन्जान""

      रामनगर १ भुमही नवलपरासी

          हाल्(सिड्नी अष्ट्रेलिया)

पिज्जा पास्ता मन पर्दैन आमा घरकै आटो सम्झें,,
बाबा हजुर बिराएको पखेरो र पाटो सम्झें।।

छाड्दा तिम्ले सत्य सानु तिम्रै तस्बिर प्यारो भयो

दिन त बरु जनतन रात काट्न ग्राहो  भयो